Актуелно 20.06.2019 20:50

Милошоски: Нам не ни треба нова видео игра, нам ни треба нов играч

Милошоски: Нам не ни треба нова видео игра, нам ни треба нов играч

Пратеникот Антонијо Милошоски од пратеничката група на ВМРО-ДПМНЕ и Коалицијата „За подобра Македонија“ при заседавање на седница на Националниот совет за евроинтеграции истакна дека срамно е оваа влада да шири лажни вести и да дава лажна надеж дека Македонија во јуни ќе започнеше преговори.

„Сакав во моето обраќање да кажам и почитуван вицепремиер за евроинтеграции но за жал морам да констатирам дека трпението за дебата во однос на прашањето за кое што имаме консезус европските интеграции изгледа кај претставниците на Владата е ограничена. Во спротивно вицепремиерот за евроинтеграции ќе беше тука и ќе ги сослушаше нашите но и излагањата на другите“, додаде Милошоски.

Милошоски посочи – „Ќе почнам со еден цитат, една изјава од вицепремиерот Бујар Османи од април 2018 година, при донесувањето на планот 18 кој тој го најави како план за почеток на преговорите во јуни оваа година. Ова е изјавата на вицепремиерот Бујар Османи – „Евроинтеграциите се како видео игра, завршуваш едно ниво, поминуваш на друго ниво. И на последното ниво немаш време да размислуваш за првото ниво. Нашето последно ниво е во јуни“. Изјава на Бујар Османи, април 2018 година. А, сега сме јуни 2019 година која што вицепремиерот ја споменува оваа видео игра, но не сме поместени ниту едно ниво и сметам дека нам не ни треба нова видео игра, нам ни треба нов играч. Кога јас би бил на местото на Бујар Османи би си поднел оставка од морални причини за да на претставниците од ЕУ им укажам дека погрешиле што не доделиле датум. Или ќе кажам дека ветиле дека ќе доделат датум, а не го доделиле на земјата која што го заслужува од 2009 година. Но очигледно е дека и на вицепремиерот Османи и на премиерот Заев, и на министерот Никола Димитров побитни им се позициите и министерските фотелји од принципите преточени во овие симболични изјави за нивоа и видео игри на Македонија и ЕУ“.

Милошоски појасни дека беше неточно кажано дека има консезус во Советот на ЕУ по однос на Македонија. Прашањето е за што има конзесус, да не се додели датум или да се додели датум. Моите информации кои што се јавно достапни говорат дека во советот на ЕУ нема конзесус за Македонија и Албанија добијат одлука за почеток на преговорите за членство.

„Министерката Пејчиновиќ Буриќ во изјава после состанокот на советот на ЕУ кажува дека за жал кога минатата година имаше две земји членки кои што беа против одлука за отпочнување на преговори, оваа година имаме повеќе земји членки кои што не се согласуваат Македонија и Албанија да ги почнат преговорите. И ова потврдува дека во советот на ЕУ нема консезус“, појасни Милошоски.

Милошоски рече дека на граѓаните не треба да им се дава лажни очекувања, нема потреба да се фотографира во владиниот авион премиерот, вицепремиерот за евроинтеграции, министерот за надворешни работи и да шират лажни вести лани во јули дека Македонија добила датум за преговори за јуни оваа година.