Министерот за внатрешни работи, Оливер Спасовски, денес беше во Кичево со цел да ги убедува граѓаните да излезат на референдум и да гласаат за промена на уставното име на Република Македонија.
По повод граѓанскиот собир во Кичево на кој присуствуваше и говореше министерот за внатрешни работи Оливер Спасовски, кичевчани го пречека со транспарент кој беше поставен на влезот во градот на кој пишуваше ЧЛЕН 308 ЗАГРОЗУВАЊЕ НА НЕЗАВИСНОСТА – извадок од Кривичниот законик на Република Македонија кој гласи: “Граѓанин на Република Македонија кој ќе ја доведе Република Македонија во положба на потчинетост или зависност спрема некоја друга држава, ќе се казни со затвор најмалку пет години“.
Но, кичевчани си го кажаа своето, бојкотирајќи го настанот на кој говореше овој висок функционер на СДСМ.
